由細到大我阿媽say sorry嘅方法都好特別 記得中學嗰陣，成日都會做情緒健康問卷 有次專登填到好差，俾班主任捉咗去吹水 咁就求其講吓阿媽俾咗好大壓力 點知佢真係同返阿媽講，然後佢就突然送禮物俾我。 今次又係 上個禮拜俾佢激嬲完 今個禮拜就無啦啦多咗舊嘢 仲要永遠問佢點解買佢都唔會解釋🤣 大概呢啲就係傳統父母嘅愛吧 不過重點係佢係咁話我鍾意呢隻嘢 但係我明明冇鍾意過呢隻嘢。。。 But Anyway 我係好開心的 最近學識咗，無論人哋送嘅嘢鍾唔鍾意，值唔值，都一定要表露開心，千祈唔好講「做乜嘥錢買啲xxx」