小心有騙子‼️ Part A 事源我幫人將個LV袋擺上Carousell賣，條友係即刻dm我話有興，即約今日交收。一開始都好正常，直到交換WhatsApp，佢個名明明係男仔，但係佢個icon係正常女人一家人相，咁我以為我諗多咗，就照約交收啦。 係交收之前屋企人同我講避免收到假鈔，所以轉數快會好啲。我都有同佢講我唔收現金只可以過數，佢話OK。 一開始聯絡我嗰個（稱A）話將個袋比佢同事（稱B）影張相如果OK佢就會過數比我，第一次A過咗$100比我對啱唔啱，跟住我同佢講啱佢就話咁過埋剩低嗰三萬幾蚊比我。等咗一陣佢就send張相比我，我即刻開個app嚟睇，真係收到筆數喎，但係嗰陣時係面帳（圖八），我就嘗試將嗰三萬幾蚊過去我另外一個戶口，但係就話餘額不足，因為我本身個戶口得八百幾蚊，仲有$100係佢啱啱過比我嘅，正常冇可能唔係即時收到，所以我都同佢講要等一陣，等我真係確實收到呢一筆數我先將個袋比佢。等咗15分鐘個筆數都仲未收到，我就同A講（圖一-圖七）。佢仲同我講只係暫時未用得，正常比咗錢係唔會離開賣家，正等於A同我講，B同事唔會走㗎嘛，但下秒B同我講佢要去廁所叫我等等。跟住我阿哥打比我傾咗陣…