前幾日農曆七月十四，入睡之前覺得會發夢。自從入左九運之後，世界有唔少轉變。有講法係人亦會覺醒進入另一個維度。係個人層面上有感觀察事物嘅能力透徹咗，仲偶爾會有仙人報夢。 個晚發夢我見返我隻狗，係晚年狀態嘅佢，慢慢爬到上我大髀上面，然後喺我面上吹一口氣就喺我懷中逝世。 發呢個夢幾日前，我搵返啲10幾年前嘅菲林，早已經鋪滿歲月嘅塵埃。我對住菲林筒上面嘅塵吹咗一下，隔咗日沖返出嚟，有我隻狗十幾年前影過佢嘅一張相。原來佢仲活着係張相入面。我吹動塵埃嘅一口氣，原來就好似吹入佢隻耳仔入邊，呼喚咗佢，穿越時間同我喺夢中相見。 寫唔到落去了，多謝叮叮選擇咗我個家庭，多謝攝影帶我跨越時間，多謝。