倫敦租屋談第二話：其實世界有好人🥹 話說上星期見到一個租盤，幾有興趣，於是留電話約睇樓。結果5分鐘後有個阿姨facetime我，嚇一嚇，原來係房東 一傾已經覺得遇到個好人，不止全程笑笑口，仲好老實地話佢打算賣樓，但個市好差應該賣唔出，又話之前個女住係嗰度都覺得好安全…總之感覺佢就係一個好簡單，好坦白，好溫暖嘅姨姨 👩🏼‍🦳 於是今日睇完樓，雖然裝修比較舊又無wifi，但租金平，Housemate幾好傾，又有貓，最吸引係高層景觀開揚，望到Tower Bridge。於是猶豫一陣就打算租 結果房東嬸嬸又即刻facetime（佢住在德國），好開心咁話：你肯租就好啦！我上星期同你傾完已經好鍾意你，所以都無覆其他人 問起佢賣樓，我會唔會中途被踢走，佢又話：你放心，我唔會比你同Robby（室友）無瓦遮頭，一定俾你住到12月中！ 個心即刻暖咗一下🥹 可能係見盡倫敦嘅冷漠，又或者搵工失敗得多，習慣被人拒絕，所以望住佢崩咗隻門牙嘅笑容真係好溫暖。尤其是當佢話：I liked you from the beginning，真係好耐無聽過有人話鐘意我😭 被人揀中嘅感覺真係好好 附上室友的貓