相睇之旅（11） 開頭間公司介紹E先生既時間 好強調一樣野，就係佢有層供完既樓係馬鞍山 然後就係E係學校做IT部主管（係，又係IT） E身高報175cm，戴眼镜，睇落個人正常，瘦，33歲 我地約左係牛角食燒肉 （因為我話我想食） 當然約七點半，我早到左三個字諗住拎定位先 點知佢已經係入面拎左位等緊 我行到埋位佢仲要幫我拉凳 好gentleman 言談間都知E係文質彬彬，讀書人黎 我好啲好奇，就問佢點解會去相睇公司 E話，幾個月前有個十幾年女朋友因為移民散左，之後屋企人叫佢去既 我已經係佢最後果個quota啦 都聽得出佢好悲傷 餐飯500幾蚊，E係阻止我拎錢出黎既 唔記得講，除左佢，我係全部都AA既 雖然傾計都係開心既，但係都係冇feel 我既feel係第一次見面就會知 可以話我係會一見鐘情既類型 不過同E既交談有持續，適逢我生日，佢都約咗我食自助餐慶祝生日 我心諗，咁好既人，我都唔好阻住佢了，但係佢盛意拳拳就費事推啦 去到果日，E簡左日放假食lunch 地點都好方便我 可見E係有落心機 我又係早左三個字去，E又係早左勁多就係門口等我 仲拎住一紥花！