鄭秀文 （續） 翻睇《孤男寡女》發現/諗番起的事： 9.當時得到過一盒橙色嘅，一百年電影公司禮盒，有《孤男寡女》puzzle，就係華少喺office聽Kinki同條仔講電話！仲有post card同電話繩！ 10.《孤男寡女》嘅新城廣播劇有聽曬，近年仲down 番全套喺我隻SSD度，原著小說都有買，仲要係劉華封面，只係之後發黃，忍痛咁掉咗！ 11.有好長一段時間，問我最喜愛咩電影，我都答《孤男寡女》，由其寫俾其他同學啲畢業紀念冊。我咁記得，係因為當時我成日唔記得「寡」字點寫，於是9寫！又試過唔想9寫，就寫套戲嘅英文名《Needing You》，換嚟嘅係同學以為我扮曬嘢答西片…… 12.有一年去換回鄉卡，Book咗去九龍灣整！過到去發現，咦，呢度咪華少同Kinki嘅office 大堂！哇，正啊！on99嘅我，當時仲喺嗰度坐咗陣自high～ 13.到依家都仲會講：「請問你，洗手間在哪裡？」（國語） 14.當年呢套戲之後，好多同學開始改啲尾字係 ki 嘅英文名。例如，我曾經係Suki ……(掩面逃走中）