今日食譚仔下午茶，我突然發現坐對面枱個姐姐，遲過我好多落單，但譚仔阿姐比哂我叫嘅小食佢，我心諗「um⋯有品味」，當我期待緊自己嘅小食果時，對面姐姐表示，自己無叫過雞翼（但個白肉一放落枱，佢已經急不及待咁食緊），譚仔阿姐二話不說，即時拎走個雞翼，再望我枱張單，即刻放低！然後再望我張單，我有個白肉，阿姐9.9秒去姐姐張枱一手搶過嚟，當時姐姐已經食咗一塊，準備食第二塊（對筷子掂住舊肉），我即刻大叫佢唔好放低，人哋食過！成間舖即時望住我⋯譚仔阿姐一句唔好意思都無，就咁放番落對面張枱就走咗去⋯是日大癲