關於老師 （二） 自省 & 自我增值 要長期自省。老師唔係想像中咁輕鬆。除咗教學，你要備課改嘢、要你帶課外活動/比賽、入其中一個行政組做行政嘢，同埋每個禮拜都要開好多次會！日日瞓五六個鐘係常識，有時lunch time延遲甚至淨係食個包。 一直保持初心&熱誠係好難嘅事。要時刻反思&提醒自己：當初點解會想做老師。有時做到好攰，我會remind自己：你係想每個學生都快樂成長，想佢哋除咗學習知識之外，都可以被socialize成為有同理&有一顆善心嘅人。最後自我說服：我講到咁啦都，chur落去啦😂有時自省好有必要。如果唔識反思自己有咩做得唔夠好，就只會停滯不前。 最後係自我增值。要活到老學到老，而家呢個世代係咁讀書攞證書，除咗係增加自己嘅競爭力之外，都真係因為教人之前必須要自己都通晒先！為人師表就係班學生嘅榜樣。讀u嗰陣，我好鍾意教班，淨係返入學校教嘅 part-time 或者代課。盡量都唔會搵補習，因為我覺得入咗學校先會了解到成個setting係點。而家又會開始睇好多輔導/學術上嘅進修課程，不過好貴😥 老師，就係不停返工＋讀書，所以唔好再話老師overpaid，俾你試吓做就知...