老一輩亞洲家長睇奧運：無鬼用啦，你對住人哋最勁個啲運動員，點同人打！？ 係，有啲對手係實力懸殊，但佢哋係完全搞錯哂奧運個意義，完全唔明運動精神為何物。比一場賽，如果個個都咁諗就唔洗打啦，自動比頭號種子贏哂冠軍得啦，比咩賽姐？唔去交手、唔去爭取，唔去輸過，點贏？有邊一個上到高峰嘅運動員唔係由低打出名堂？大家印象深刻嘅比賽應該全部都係絕地反擊，反敗為勝rather than一路順風順水輕鬆取勝啦，可唔可以俾啲尊重所有參賽者，而唔係只識見高拜見低踩。 同樣地，香港家長又鍾意急功近利，最好仔女學嘢一開波就一飛沖天，做唔到三甲就好似世界末日咁 。係，現實世界係好現實，唔好話第二第三名，有時奧運金牌得主，如果係美國中國呢啲盛產金牌嘅國家，每屆都以兩三打咁計，而最後過多幾年有幾多個係俾人記住？但作為父母，甚至旁觀者，係未因為做唔到最top，所有運動員佢哋係入圍奧運前咁多年嘅苦練、辛酸、付出、犧牲就唔值得你哋肯定同欣賞？係生活上都同樣道理 。 講遠咗，但好多時真係一句說話就睇到每人表後嘅價值觀