1/8 04:57 瞓唔著，諗到啲咩就寫低佢 近排身邊啲朋友陸續有感情問題，咁我就去陪下佢地傾偈出去玩，分散注意力。之後佢地走出咗嘅時候，就發現自己仲喺度原地踏步。 臨瞓前睇threads，睇到朋友寫嘅感情語錄。「過去他愛你的日子是真實的，而他不愛你的時候也是真實的，所以感情最殘酷的地方就是兩者都確實存在過。」由認識大家，到有感覺，經歷唔同嘅事，搵到共同興趣，鬧交之後了解對方嘅價值觀，一點一滴回憶，諗都已經忍唔住笑出嚟。但可能習慣左對方嘅存在，習慣對方對自己好，開始變得依賴同自私，做唔到應有嘅本分同承諾，性格都已經變質。由幾時開始，大家之間感情產生變化，望大家嘅眼神唔再有熱情，係邊個方面開始出錯，自己做左咩傷害對方，要挽回要要點做。嗰陣時嘅自己好亂，知錯但冇辦法，覆水難收，只係覺得好怕。原來一個愛你嘅人係會咁輕易就離開。 係你教識我做人唔可以咁單純，你教識我呢個世界真心關心你嘅人唔多，愛你嘅人唔多，當自己有事嘅時候，其他人嘅慰問係八掛多於發自內心嘅關心，我想係每個人面前表露最快樂嘅自己。但知得越多，人越大 ，就開始失去最原本嘅自己，嗰個冇野煩，每日都開心嘅自己。 (爆字落cm)