三文魚我喺Galleria買（North York唔會有, 要去Thornhill / York Mills分店買）, 有分有皮同無皮（皆標示可生食用） 無皮$32/磅 有皮原價$20/磅, 特價時$15-18/磅 另一間喺St. Claire嗰頭叫Coast to Coast（貌似downtown都有分店）大約$19/磅, 嗰間未試過但之前打電話問可以幫手去皮 三文魚去皮好容易, 搵個角 / 尾切到皮（唔切斷皮）, 捉實個角然後攞另一隻手向魚肉方向推就去到皮 至於去腥就可以將三文魚放喺個架到, 然後先搽一浸薄鹽, 然後搽一浸糖（可以多啲都唔怕） 搽好每邊放入雪櫃等45分鐘, 攞出嚟再用兩兜水清潔魚肉, 拍乾佢之後會明顯感受到魚肉緊實咗 帶子我喺Warden間華泰買, 冰格位置, 牌子叫Clear Ocean, 解凍後可以準備一兜淡鹽水洗一洗 有其他魚想買可以留言問, 我記得 / 知道邊度有嘅話盡量答