尋晚先講完日日都快樂 今日一起身個天就比考驗我 我真係好撚驚昆蟲 特別係識飛嘅 程度係一見到我就會忍唔住喊 本身已經趕緊時間 仲要比我見到隻疑似蜜蜂定黑蜂咁嘅嘢喺到飛嚟飛去 我就喺到同佢一齊郁 佢喺邊我就走去另一邊 最痛苦係佢有時會停低咗或者唔知飛咗去邊 我就一路拎住啲化妝品又要化妝又要周圍望佢去咗邊 明明間屋唔係大都可以喺到跑嚟跑去 諗佢會唔會入咗廁所 會唔會入咗廚房 會唔會入咗房 一有咩聲就周圍望 突然間又會諗佢會唔會入咗我頭髮/件衫入面 又係咁彈嚟彈去 成個人好焦急又緊張 就係好撚驚好想喊好想死嘅狀態咁衝出屋企 之前屋企成日有昆蟲飛入嚟 已經買咗支驅昆蟲噴霧嘅嘢噴晒成個屋企 住新界山區最撚痴線就係啲昆蟲 幾個月冇見到佢哋 今日又見返 真係好撚唔開心… 對唔住我係咪好誇張 我諗返都覺得好似好誇張 但我真係驚到咩都做唔到對抗唔到