真係好睇 除左Simone Biles 個人心態好值得學習，我覺得更值得一提係「屋企人」嘅愛同支持，當佢選擇退賽呢個決定，佢「媽媽」嘅反應係支持，仲好強調叫佢唔好盲目上場傷害到自己，呢一下真係好令人動容。 世上總會有人將自己嘅感受，心理健康放係第一位，而嗰個唔一定會係自己嘅親生父母 大概自懂事開始已經感覺到自己係不被重視嘅一個小孩子，而成長過程更加證實到呢個感覺，一直以黎我以為咁樣係正常，我應該用二手野，我應該讓兄弟姊妹，我應該照顧其他人，就算唔開心都唔會表達，因為根本都冇人重視 衍生出情緒出現問題 ，身體出現問題，我都覺得係自己問題，直至遇到一個人去話我知原來我係可以表達唔開心，原來會有人重視我感受，所以睇到呢一幕真係太多想法同感受，如果我嘅成長可以伴隨着更多嘅愛同重視，而家嘅我會係一個點樣嘅人呢？