懷孕後期負面情緒越嚟越多 仲有最後5個禮拜都覺得好辛苦 求解救😭 成個孕期各有不適，肋骨已經痛咗幾個月，有時痛到懷疑人生，由頭到尾胃口都唔好，食野係種折磨，暫時只係增重6kg 由於自僱關係，無4/5產假糧，身體不適同搬到山旮旯咁遠，返少咗工，亦提早放產假，收入大減，職業同個人發展上好多都做唔到，我會形容呢一年做「人生大倒退」 後期攰到無精神扮靚，又熱到唔想出街，而且由香港正中心搬到好遠，去油尖旺都要一個鐘，完全冇晒娛樂，感覺人生玩完 已經負面到唔想產檢唔想胎教唔想餵人奶，為左折磨少兩個禮拜同避免食全餐，揀左開刀，最大願望係生完盡快恢復、報復式返工搵錢、修身扮靚同去旅行🙂‍↕️ 為何女人總是比男人付出多