一個月前問左醫生問可唔可以試依啲藥，如同設想，香港既醫生都只係俾啲負面既意見，佢話可以食，不過呢隻藥冇咩實驗證明有用！(佢都係即刻係我面前Google ) 咁我都會試既! 然後點解呢個post ,過左成個月先post, 醫生最後suggest 我, 趁隻手仲可以郁得，令自己既生活質數好啲, 推介我用電動輪椅！ 我用左成個月先可以擺脫Emo , 但係要接受到仲有啲難度。 其實鬼唔知用輪椅仲會舒服啲，我已經2年冇去過super market, （不過呢個世界有HKTV mall, Deliveroo, manning app, marks & Spencer app) 仲可以去旅行，到時我都可以出post 出”我都有車‘！ 但係呢條係單程路 ，你幾時見過有人用完電動輪椅然後反而去嘗試辛苦危險咁行路！ 你幾時見過有坐輪椅既creative ! 唔好講我見過唔同輪椅人仕遇到既問題！ 我可以預見到下一步係唔係都要屈服，但係我而家仲未接受到，可能等半年至一年睇下啲藥有冇用先！逃避雖可恥但有用。