育兒分享 唔少媽媽都問我..Gavin點戒片 或者係度講下分享少少心得 首先戒片我係抱住「時機到就會戒 唔洗急」 然後有次連續幾日訓天光發現條片係乾身 (臨訓前飲左180ml奶) 然後我留意多一星期 發現仍然係乾片 所以我就開始進行戒片 定時定候帶佢去potty 依家我地係屋企係無著片 訓教都無著 係屋企急尿/想poopoo果陣佢就會去potty 或者會同我講媽咪我想屙vv/想poopoo 或者potty唔係隔離 我叫佢等一等 佢就會講「忍住忍住」😂😂😂 慢慢佢就知道同埋習慣屙果陣要除褲同埋屙係邊度 如果家長們發現小朋友忍唔到 瀨左出黎 首先唔好太激動/唔好鬧佢 可以鼓勵一下(瀨左唔緊要架) 成功係potty屙左可以讚下佢：好叻喎做得到 佢就會好有成功感 Btw有媽媽都有問到 小朋友唔肯唔著片咁點算 其實Gavin係最一開始都有試過 因為佢唔慣唔著片 但唔緊要 可以照著 最緊要係小朋友心態上ready 佢就可以無壓力下戒片 加油呀爸媽們🫶🏻