過咗7月，講下真實靈異事件 小學時期，有次晚上喺公園玩，突然人有3急，就走去公廁解決，突然有人拍門，我心諗點解唔去第二格，但當我打開門時，見到一位著住白色碎花睡衣嘅女人就企正喺門口，佢瞪大眼對望住我一粒聲唔出，木無表情嘅樣相當嚇人，我細細聲話‘我去完到你啦’，就想閃身走人，順手望下其他廁格，係‘吉’㗎！突然間佢瞓咗喺地，對眼依然瞪到鬼死咁大，我果下好驚，拔足飛奔走番公園，同個朋友仔講剛才見到嘅情形，跟住我哋一齊再返去睇吓個女人，點知，廁所入面一個人都無！ 諗番，果刻令我最驚係 - 公廁地下咁污糟佢居然瞓喺度，恐怖過佢係鬼！