呢一幕就正正係佢既高光時刻,所有人都睇到佢既努力,比呢短短既一分鐘感動到 好多時演員係舞台上面都好想表現自己,我記得以前表演既時候都會做啲同排練時候唔同既野,就係想試下會唔會有新既野出黎 一個一路比人睇死既花瓶演員,然後靠自己既執著先令到自己發光,呢種感覺就好似周圍同人講緊:”你望實我啦,我真係好鍾意表演架” 就係因為有呢份執著,先會好想做得更加好,唔係因為演唔演技,而係因為想成個表演更加好睇 舞台劇真係一個好觸動人心既領域,比起電影既果種距離,要觀眾係現場面對面睇一班演員點樣營造一個屬於佢地既世界,再邀請你地黎體驗呢個世界,我覺得舞台既震撼力好強 係墨爾本呢度,自己試過膽操操咁搵大學既表演團體做過一場戲,亦都好開心有機會拍過電影既幾場戲,雖然都唔係咩大制作,但都好開心可以係香港以外既地方做返自己鐘意做既野 唔知墨爾本呢度有冇都鐘意做戲既人呢,曾經好努力搵,原來都有華人既劇社,但只限於係大學,我見Sydney都有佢地既戲社,英國都有搞佢地自己既戲場,但就唔見Melbourne有 就好想知呢度有冇都鐘意玩劇團或者表演既人,唔一定要做戲,因為我覺得一個舞台劇所有既崗位都好正