一人一件中學生涯遇過極on9嘅事 突然間諗返起 中六嗰陣班上面有個同學 唔知係遲入學定咩 大我哋同屆兩年 夠歲數就去咗考車牌 有一日返學 我係訓導門口見到佢寫緊自述書 我就問佢做咩事 佢笑笑口咁話唔講啦 咁我見佢仲笑得出 覺得應該唔係啲咩大件事就冇多問 返咗上班房 返到上去啲人就問嗰個同學去咗邊 我話喺訓導門口見到佢寫紙 但係唔知咩事 咁其他人就問班上面同佢最friend嘅 佢個friend話佢揸咗架車返嚟學校 啲人就問咁點解要寫自述書 原來佢泊咗校長個車位。。。