上次講開喺interline客嘅「免費」寄艙行李。今次就講埋local客嘅手提行李。雖然C公司並唔係廉航，但係我哋都會捉手提行李。基本上我哋喺check in嘅時候喺會叫個客將手提行李過磅。咁當然我哋重點主要放喺重量上。至於尺寸啱唔啱嘅話基本上肉眼睇過，冇乜大問題就OK。始終我哋唔係廉航，唔會執得太正。 而喺counter檢查過嘅行李，我哋都會貼住手提行李嘅貼紙。當喺boarding gate嘅時候，我哋會專門去留意一啲冇貼手提行李貼紙嘅行李然後攞嗰啲行李去過磅。當然啦，如果我哋見到有啲客喺counter度已經好可疑，我哋喺會特別記得佢哋，之後喺gate再查佢哋行李。 雖然係咁樣，但總會有啲客以為可以瞞天過海，除咗收埋自己部份嘅手提行李之外，仲有無論我哋係gate點樣叫佢都唔出現。但講真，其實我以前都係客，我點會唔知你哋用啲乜嘢方法去避開我哋嘅檢查。😅所以到最後，無論你點避開，其實我哋都係會捉到嘅😂 至於點解唔係廉航都要捉手提行李捉得咁嚴又係一個傷心嘅故事 P.S. 以上只係我嘅做嘢方法，唔代表其他機場同埋其他航空公司都係會咁做。如有雷同，實屬巧合。😂 地勤日常