油麻地間紅茶間唔中都有去食下早餐同下午茶，又要排長龍d服務態度又好到無得頂，都盡量少幫襯，係有時母親大人想食先去。 今朝係因為阿囡想食包我就同佢去買2個，見佢打開左窗仔個阿姐又淨係企係度唔係忙緊，我就對住窗口落單 👩🏻 : 唔該想要1個菠蘿包同1個菠蘿油呀 ( 然後慢慢放低20蚊係枱面 ) 👩🏻‍🦱 : 攞番你既錢!! 我未得!! ( 嘩大佬咩事?! 1黎就咁樣呼喝我 ) 我買包10幾蚊唔洗你俾勁好服務我，但係唔係你本黎心情唔好就突然搵人出氣囉 ) 我落左單之後佢話菠蘿油要等陣，咁我為左唔阻到其他人企埋左1邊等 👩🏻 : 唔該我想問下菠蘿包7蚊加菠蘿油12蚊你係唔係應該要找番1蚊俾我架?? ( 1蚊好小事，我諗住問下，如果佢唔找就由佢咁 ) 👩🏻‍🦱 : ( 即刻俾番1蚊我跟手掉個菠蘿油同係枱面 ) 嗱菠蘿油呀找錢!! 😒 喂?! 咩料呀?? 問下你找錢唔係正常?? 1蚊其實你唔想找既咪由佢囉 😑 你估我好想幫襯，講真唔係我囡想食我真係唔會黎 ( 之前成日睇人地講係香港地食冰室係自己攞黎賤，明知間間閪態度都自動獻身去俾人出氣。我認我今朝係自己攞黎賤，但係以後點都唔會再幫襯任何冰室 )