對離開香港後冇做過嘢嘅反思。 最近有朋友對我講，當初講咩抗爭，到頭來離開香港呢兩年咪又係咩都冇做過。其實點為知有「做野」呢….. 西澳冇類似sydney或者brisbane果啲比較活躍嘅港人組織。呢度唯一港人組織嘅活動比較靜態保守，只有講座，電影分享會之類，遊行舉牌活動從未見過，最進取已經係六四室外舉辦嘅小型悼念。以上種種我都全數帶埋個女一齊參與。作為一個手停口停嘅人，自問冇本事去幫手攪活動，只能用參與黎支持。 呢幾年黎我作為抗爭嘅一種方法，就係將小朋友遠離洗腦之地，將抗爭嘅思想薪火相傳，俾佢知道佢唔係最後一代香港人，韜光養晦絕對同安逸不同，就似多飲水嘅道理。希望留港嘅人明白依一刻衝出去螳臂擋車絕對唔係勇武嘅表現，多飲水裝備自己唔代表係咩都冇做，依家唔可以將火把點起，但係請先將火種散播，時機嚟到大家會再見，we will be back