以前細個住舊屋成日有流浪貓跑入屋，有次仲弓腰炸毛，自始驚貓，大咗遇到老公係貓痴，結婚後成日話想養貓，但佢知道責任大同果時B B又細，所以一直得個講字，久而久之到個仔已經18歲，開始唔使點理佢，我兩公婆又好似好失落咁，自疫情後變咗唔想出街，機緣巧合下經同事介紹安排係義工領養浪貓B仔，果時3個月大比人用纸箱放公園，帶咗返屋企開頭唔敢摸，太細隻驚整親佢，之後養養下我兩公婆已經當佢係第二個仔仔咁照顧，眨吓眼31/8/2024就係你入屋一週年，希望你健健康康開開心心繼續陪我地一齊生活🫶🏻 係啱啱6月尾再係義工到領養多隻個半月大貓B女，見你地好快已經相處到好感恩🙏 無論你兩個每朝4點幾叫醒我幾眼瞓都好，見到你地食曬早餐又有飲水又有靚便，睇住你地玩再一齊睇日出，每日咁樣生活已經足夠💙😜💙