婆婆由我細個開始已經教導我物質嘅珍貴，大個咗先發現唔係個個都有依個概念。公公婆婆會 Upcycle 俾物質二次生命，我由幼稚園開始就會同婆婆一齊分類回收攞落去三色回收箱，仲會行遠啲去賣紙類回收品換幾蚊。 除此之外，「粒粒皆辛苦」簡直係深入骨子裏。喺自己嘅碗會食到一粒飯粒都唔剩，有咩剩餸到會留到第二日，確保無咩食材浪費。 之前同朋友去 Road Trip，咁啱民宿無回收箱，我就將所有回收物品帶走，朋友仲話點解要咁麻煩。之後亦都見到好多身邊嘅人食唔曬/唔鍾意就直接扔，一次過買太多餸最後搞到好多食材都壞曬。同事買午餐明明幾步路嘅距離，都要一人一個紙袋。似乎都有好多人完全唔睇標籤，以為所有塑膠都可以回收。慶幸嘅係我嘅行動好似開始改變大家嘅習慣 🫶🏻 而家有返少少能力，同男友一齊整露台花園（佢嘅夢想係有自己嘅小農場）。平時蔬果唔要嘅部份一係攞嚟種植，一係就同咖啡渣一齊做施肥。睇住新嘅生命茁壯成長，真係有滿滿嘅成就感！💐