如果你不幸好似我咁20幾歲生Cancer準備去醫，係你準備接受挑戰時，我有以下建議： （1）就係唔好亂咁聽人建議。醫cancer有時間緊逼性，積極配合檢查過程嘅人，可能會更快去到治療果個step。係呢個時候，所有阻慢你接受最方便、最正統醫療嘅建議，一律可以無視。 (2) 唔好亂咁邀請人安慰你。如果需要人傾訴，make sure首先只搵番平時你個腦搭的士走咗時，有能力提醒番你嘅friend。其他人關心你，你大概講all is good就差唔多，你可能之後想抖多啲。 (3)唔好亂咁將自己個個案同人地個個案比較。如果你慢慢地識咗啲同類型嘅病友，好自然你地會傾計交流，請Make Sure唔好攞自己同人地比較。人地要骨髓移植，唔代表我將會骨髓移植。個驚又係無謂嘅。因為：人地搭飛機會死，唔代表你搭飛機會死 (4)要亂咁玩。冇人set定你生cancer要咩態度。日常護理上做足病人果套，唔代表生活態度要做病人果套。你可以即刻install曬啲想打嘅game、買埋部咖啡機係巴西訂啲咖啡豆，買埋個Netflix，好好咁Plan下想點玩。你鍾意做咩照做就得。