希望可以比到少少鼓勵大家（長文嚟咗岩岩好兩年，本身唔係有錢，屋企要我比家用先開到飯，自己英文都唔好，但勝在夠傻兩個人積蓄又唔係多仲要俾屋企都決定走出去我承認係一個幾衝動嘅決定，因為帶埋貓貓，起初找屋已經好難，選擇少又貴，再洗左好多錢我本身諗住找份文職仔應該唔係好難掛，點知真係好難，先唔講自己唔識揸車再者住嘅地方偏僻已經係咁send CV都真係冇回覆，一個月我最多面試到三次，沒一次成功量地咗半年，半年期間超市清潔臨時工全部都send CV都可以冇回覆（而家諗返起嗰陣時係冬天，job market 真係比夏天靜好多）頭半年找唔到工到會夜晚壓力大到喊，面試前又驚到心跳到爆，唔得之後又喊，積蓄真係見底，直情懷疑人生到開始有啲諗埋一邊，我好記得嗰陣時去超市真係買最低嘅生活用品，甚至有陣時排隊之前會放返低明明係真係需要嘅嘢，個個開心過聖誕我就喺度喊終於去到最後搵到而家呢間廠，佢請咗我嗰一刻對我嚟講就好似求生繩一樣，今次終於係開心到喊啦😂 有興趣繼續睇嘅話我留言再講

串文

2024-08-14 19:45

讚

1,038

回覆

128

轉發

作者

Chiao
chiaokiu

粉絲

239

串文

61+

讚

回覆

轉發

24小時粉絲增長

無資料

互動率

(讚 + 回覆 + 轉發) / 粉絲數

502.93%

回覆 (BETA)

最先回覆的內容
發文後	用戶	內容
19 分鐘內	Chiao chiaokiu	當然做廠一啲都唔好玩入邊真係冇一刻可以停手企足全日同一個位做同一個動作，所有關節都做到痛同漲，講真如果唔係銀行咁低存款額我應該都冇呢個意志力堅持落去做廠通常都好多人走，咁啱有leader空缺我就決定試吓，當其時仲好天真咁諗做leader應該就可以做其他嘢啦啩，點知係學多少少嘢做多多嘢期間最難做嘅唔係工作係處理人際關係當然工作都好辛苦仲要間公司不停咁cut人手你又要跑數，同時之間你又要面對一班有合約唔多願做嘅員工同一班冇合約可以叫佢哋做嘢但係甘樣會對佢地唔公平處理嘅員工 (有合約嗰啲通常仲係做咗好多年有好多朋友同埋親屬喺度，可以話得罪一個等於得罪10個甚至更多）點樣公平地叫佢哋做嘢之餘又唔激嬲一班有合約嘅人同時又要佢哋甘心情願幫你做嘢係難題，不過呢啲慢慢就會磨合到做吓做吓冬天又到唔經唔覺又做咗半年，去到冬天原來會大斬人，成間廠每一更得返30個人，仲要因為冇單所以通常只會叫你返三日，瀕臨失業嘅邊緣，嗰陣時我就意識做就算我肯做，呢個工作終歸會受到大環境影響而冇得再返工雖然咁講但係冬天根本就冇其他工於是又唔小心做到春天，可能我都算正常佢地終於比我成為合約員工
31 分鐘內	Teddy Chiu teddy_chiu	祝你愈嚟愈順利
一小時內	Lingling Lam lam.lingling	恭喜
2 小時內	💛兩個旅孩在倫敦💭 Twin Sisters in London 🇬🇧 ffwanderlust	你叻叻🫶會愈來愈好架！🙌
2 小時內	herbertlau92	祝你一切順利
2 小時內	RK ronald_gnowk	i know you feel,頂硬上la 堅持先見到希望我都係堅持先搵到份本行perm job
2 小時內	Aki Lee akileeb612	好明白個種有唔開心想搵人講但都無人明個種感覺😮‍💨點都好，多謝你分享啊👍🏻
3 小時內	turkey_m	好叻呀！✨❤️
3 小時內	Little Daisy daisy.daisy.little.daisy	加油🫶🏻
3 小時內	HiuTung Chan hiutung_01	加油👏🏻一切會更好架！！🥹✨