教學所見所感 - 1 IT教學篇 其實我唔反對IT in Education,但我對盲目用IT 野好反感，入行頭幾年，好多人仲停留緊上堂用PPT 就等同運用咗IT教學，包括學院派（PGDE)個堆都咁教。 我唔反對用PPT,但好反感啲老師將所有要講嘅野打哂係PPT然後上堂跟住讀，好似咁樣就反映你備課充足咁。然而，真係咁架咩？ 一頁PPT 咁多字，先唔講學生睇到眼都矇，筆記真係抄得切？你跳去下一頁，抄唔切個啲又跟唔到，你停留係個頁等埋，抄哂個堆又無野做。而且當年，最常聽到個句係，用PPT可以引發興趣，我DLLM咩，你成個PPT讀出黎唔見得有幾有趣囉，但當年好多人都停留係尼個階段。 所以我頭幾年應付完學院派個啲睇堂之後，基本上就棄用了，有時學生問我做乜無PPT,我會答返佢地：「吓，有啲人用咗power point, 都唔見得佢講嘅野係有power 同有point架喎！我唔想變成咁嘅人囉！」然後大家一齊會心一笑。佢地明嘅笑得仲大聲。 比起PPT我更喜歡寫黑板，唔想比PPT既定嘅內容框死自己，課堂其係好多變化。然後我啲學生成日笑鳩我寫黑板時隻手會多咗條天線，因為我寫黑板時會變咗蘭花指。🤣