今日七月十四，想分享一個比較無咁恐怖嘅靈異經歷。 有晚11點幾，搭巴士返屋企，我就坐上層靠後嘅位置，到咗某站有個白色連身裙女人經過我去咗後面，透過玻璃嘅反映仲見到佢坐咗係尾二果行。到我落車嘅時候向後一望，個女人已經唔見咗，得返幾個男人，落到下層，車門仲未開，都依然唔見果個女人，問題係由佢上車到我落車之間係無站，期間我都見唔到佢行出嚟，咁佢究竟去咗邊，而佢係唔係人呢？係果啲嘢嘅我又點解可以係玻璃反映度見到佢？我已經唔知道答案，但係果晚就係七月十四。