七月節緊係唔講鬼啦😂 不過想講吓啲奇怪嘢 說話兩年幾前我經歷咗人生唯一一次嘅瀕死經驗 當下雖然身體就嚟頂唔順 但我個腦其實好清晰 亦知道自己差唔多唔掂 眼睛所見嘅最後一個畫面係一班醫護好緊張咁圍住我救緊我 然後下一秒我就去咗一個全白 白到殘眼 好似一條好長好濶嘅走廊咁嘅地方 去到果度所有驚恐同身體不適都無晒 感覺係好平靜舒服嘅 之後眼前就見到一隻我認識 而且剛離世大約兩個月嘅貓貓（呢隻貓唔係我養嘅 係以前舖頭樓下嘅放養貓 我日日都會搵佢玩同比野佢食 同佢好friend） 我一見到佢就問佢做乜喺呢度 之後佢就向住我慢慢行過嚟 行到一半就好大聲咁喵咗一聲 我就立刻離開咗呢個場景 之後就被救返 隔咗唔知幾耐我就醒返去返現實 我估當時貓貓應該係嗌我走 人生走馬燈我就無見到 唔知呢個係咪所謂嘅瀕死靈魂出竅 但係呢一段記憶好深刻到而家都歷歷在目 感覺似親身經歷多過發夢嘅 （之後都無再夢見過呢隻貓貓喇） 奇怪嘅分享完畢多謝收看😂