分享少少關於自己整容經驗，我全面除咗額頭基本上都有打過針，雖然而家唔係天仙咁靚😂，但係望返之前未打針個樣都會嚇一嚇，心諗邊撚個嚟㗎咁樣衰嘅😂 咁我人生第一樣做嘅療程就係整埋線鼻，以前都唔覺得自己個鼻有咩問題，但係見到公司啲人個鼻都咁高咁靚就下定決心要整。嗰時打麻醉嗰下真係痛到我屌撚晒祖宗18代，跟住入線嗰時已經唔痛，但係真係勁緊張，醫生埋咗6條之後就叫我睇一睇，我驚到睇完都冇反應，本來諗住就咁算啦唔再加線，好彩我同事係咁叫我埋多幾條 ，唔係嘅話我一定會後悔，再整嘅話又要痛多次😖 個鼻高咗成個輪廓就會立體返，再加埋我之後填充其他位置，將個五官拉出嚟，成塊面由2D變3D😂。我成日都嘲笑自己以前係成個村姑咁，講明先唔係製造容貌焦慮，但係自從我接觸咗啲醫美療程，個人真係自信好多，再加上我本身濕疹比較嚴重本來都係一個幾冇自信嘅人，所以我冇後悔過自己整容打針。打針唔淨只係可以改變樣貌，亦都改變咗我個人心態。所以唔好歧視每一個追求變靚嘅人😉每個人都有變靚嘅權利。