《SEN TA》 1 FG畢業既時候，自己比較遲搵教育工作，接近6月尾先開始寄信，中學、小學都有寄。當時唔識諗，仲係好揀擇咁寄，最後當然唔多面試既機會。 第一個面試係去見中學既特殊教育支援老師，仲記得呢個機會係當時女朋友搭上搭搵返嚟。面試前我都上網睇左好多SEN既資訊，第一輪面試後SENCO同校長都滿意我既表現所以叫我過幾日再見埋校監，最後校監決定揀另一位做左幾年既應徵者，不過今次都係一個唔錯既經驗。 第二個面試係去見中學既通識老師。第一輪面試見完科主任同教務主任後，過左兩日就見埋校長，最後都好好彩得到呢個Offer。當刻其實幾開心，但後來再慢慢諗清楚，覺得前景較暗淡，就算讀完PGDE可能都做唔長，所以最後決定推左呢個Offer。(而家睇返個決定好正確) 第三個面試係去見小學既SEN TA。面試 一次過見校長、副校、SENCO，見完第二朝就打嚟話請。當刻聽到人工得$13000有啲卻步，不過後尾諗我都係21歲，試做1、2年，搏入PGDE再轉做老師，個前景值得搏一搏，唔得最多咪轉行囉，到時都係23歲啫。所以就要左呢個Offer，開始左2年既TA生涯。