每次分享一件朋友趣事n.0 《即食愛情》 -唔知係幾時開始即食愛情成為左一種風氣，可以唔需要點了解對方，好似食杯麵咁3分鐘食得- 話說我有一個朋友下稱A先生，我哋應該都識左有三四年。我哋應該係屬於心照frd=有事就講冇事唔搵，就係前排佢咁啱reply我story，內容講咩已經唔多記得，反正之後就講到情人節有咩做啦。好似自我識A先生以嚟佢從來都冇固定嘅女朋友，就好似上年情人節佢同我哋成班frd group chat，佢話嗰日情人節早中晚分別約左3個唔同嘅女仔（有女朋友，有友達至上）所以今年佢都唔例外。我一直都覺得要拍就要拍長拖，識左一日三日就分嘅愛情又有咩意思？所以我好奇一問「究竟你同時發展咁多曖昧對象同確立左關係嘅女朋友係為乜？」佢話「唔拍多啲又點知邊個啱？反正而家冇人咁認真，你都唔好將啲關係太上心。」 冇人咁認真？之後我同自己講話呢個世界有人鍾意食牛排就有人鍾意食快餐，好常見啫！但係唔係即食愛情成為左風氣就係正確？點解會願意追求一日新鮮感都唔尋覓長久嘅枕邊人？如果係咁咁愛情又咩意義，求一個解說 每個人觀點唔同啦，和平發言🗣️