［台灣職人精神｜ 每天限量牛肉麵］ 喺台北一日食5-6餐，云云餐廳之中，只有一間最希望用文字紀錄。 去台灣基本上都係想食地道野 （拒絕智商稅） 誤打誤撞下搵到一間評分不錯嘅牛肉麵 開門5分鐘已經有十幾人排隊 一入到去有種日本拉麵店嘅即視感 僅有吧枱位約十個，只有老闆一人作業 坐底老闆就介紹今日只賣一年只做一次的清燉A5和牛麵 (其實原本想食傳統牛肉麵...)，然後送上冷泡桂花茶，一解排隊的疲倦。 碗麵上嘅時候完全感受到老闆係一個非常講究嘅人，擺盤精緻 。一排生牛肉下面墊住手工細麵，加上九層塔、蔥花芽菜加２粒牛丸令成碗麵增添層次 食材用上刺身級鹿兒島A5和牛，入口即溶。湯頭調配幾十種香料熬煮八個鐘，老闆再用三個鐘撈油，先可以做出清爽但濃郁嘅湯底，入口鮮甜回甘 可謂味蕾的盛宴。 已經好耐無遇過有誠意，用心而富有靈魂嘅美食。佩服有要求有堅持嘅人，能夠將平凡變成不平凡，亦令我再次感受到台北這座城的獨特滋養。