處理一對打罵中的兄弟 就喺睡前閱讀時間，細佬因為哥哥不願分享圖書，打中哥哥眼睛一下，然後盛怒的哥哥又開始還手，結果當然係弟弟被打得很慘，大哭… 我喺現場只可以隔開兩兄弟，然後哥哥又氣得輕打我幾下，如是者爭持左10分鐘，兩兄弟都想得安撫，同樣冷靜不下來，我站在中間，只覺得激氣又無助，胃腸揪在一起。 其後，唯有請工人姐姐先帶走細佬，哥哥慢慢已冷靜下來，同佢坐底傾一傾，佢開始長大有自己諗法，可以理解到其他人嘅感受，但仍然偏向自我中心，在激動嘅瞬間未能控制脾氣。然後，再同細佬講講剛才發生嘅事，佢似懂非懂的點了一下頭。 最後，兩兄弟又睡在一起。 沉澱過後： 我覺得嬲同激動係源於處理唔到紛爭中的兩兄弟，感到無能為力。 好多事唔係一時三刻可以解決到，我已盡能力去引導佢地了解自己同對方嘅感受，剩下的要交由佢地親身感受同學習。 「睇開啲，佢地始終會長大」