尋日 忽然之間諗起 打電話俾老公同佢講 叫佢唔好買花俾我 唔好嘥錢 我都唔係咁鍾意花 寧願你買棵龜背俾我好過 佢竟然話已經訂咗 咁就同佢講你記住問咗我鍾意咩色先喎 佢去到嗰度影咗幅相問我 我圈住兩隻色 話呢隻色新年靚 夠鮮色 呢隻Pattern都唔錯 咁我都未選擇好 佢又冇問 即係要咩色？ 忽然間就消失咗 然後佢竟然將呢兩隻色撈埋左一齊 跟住我竟然為咗咁小嘅事 唔開心咗一日一夜 真係好唔鍾意自己咁麻煩 覺得自己咁樣 好乞人憎 其實人哋送花俾你 已經好好啦 仲要咁多挑剔 你話一個人嘅執着係可以有幾咁乞人憎？ 佛堂師傅成日教人唔好咁執着 話好多人 因為完美主義 然後產生好多執着 影響生活 令到生活產生好多不必要的不和諧 根本就係講緊我 我唔知道呢個世界原來有其他人同我一樣 以為係自己本身鍾意做藝術 所以先會有咁嘅性格 今日我老公打俾我幾次 我唔聽佢電話 你話 邊度有咁戇居嘅女人？ 最後花咗幾個鐘頭發現 可以咬下嗰啲鐵線 咁望落去就有層次 其實咁樣咪幾靚囉 一個人嘅執着真係會害死自己 大把人恨收花 都冇花收 真係身在福中不知福 多謝老公 你好有taste 我愛你