成日都覺得 仲後生 有好多時間 想做咩都可以遲d 好多嘢好老套 唔洗講大家都明 有時得閒嗰陣真係寧願me time 好少好少走去約班frd見下玩下 大家都忙 大家都攰 咁傾得埋就frd ga la 幾耐冇見都咁frd 大家記得大家 就夠啦 我一路都咁諗的 亦都一路都係咁做 身邊最親嗰班 間中chat吓 半年一年先見一次真係唔係新聞 由細到大 都冇嗰種 原來一世人 同呢個人 會真係最後一次見嘅感覺 以為想見就會見到 以為有心就會見到 以為唔見都冇所謂 只要相識相聚時 大家開心 緣聚緣散嘅嘢就冇必要深究 每個人都有自己條路 天下無不散之筵席 到咗一個位 大家揾自己熱衷嘅野越行越遠 但呢件事係一件值得祝福嘅事 每個人都係一座孤島 搵到自己嘅方向 知自己嘅人生做緊啲乜嘢 係一件幸福嘅事 戥佢哋開心 但係原來有啲人並唔係咁樣的 特別係老人家 佢哋只係想你哋 可以陪吓佢 「近排唔得閒啊」 「返工返學好多嘢做」 咁佢哋希望你健健康康 開開心心 唔知佢滿心期待幾多次 都唔知佢失望咗幾多次 直到前幾日 摸住佢喺病床上面嘅手 佢個樣 已經唔係我記憶入邊嘅佢 我真係仆街嚟 :)