新一年 新環境 新身份 新嘅體會 新工返左兩個月 話係幾輕鬆 但感覺上有啲格格不入 可能知道自己只係暫時性過渡 或者第時行嘅路唔同 所以完全感覺到自己係異類 冇諗過會咁早攤牌 但總算有機會出走一下 暫時嘅去省卻包袱 有時會諗自己係咪3分鐘熱度… 鐘意嘅只係幻想出離嘅東西 回想返過去一年嘅人/事/轉變 當初的確有啲不解 會懷疑自己判斷 甚至係能力 但沉澱過後 至少會意識到問題嘅核心 知個究竟 2024年嘅願望係 繼續去做啲唔會令自己後悔嘅事 寧願努力過後係事與願違 再安然接受 都唔想安於現狀而錯失機會 (雖然幻想出離嘅只係夢境 但會唔會係另一個平衡時空確切地發生緊呢？)