「藝術戰爭論倡議者（退休）」 （唔啱聽就同大家講聲唔好意思 冇心開地圖炮） 今次篇文同平時唔同，少啲資訊，多啲感受。 我私底下係一個好激進嘅人，好鍾意同fd啲嘅同學比較，笑佢哋比我弱嘅地方。圍內佢哋會稱呼我呢個狀態為「戰爭貓咪」。 「吓，講真畫得咁廢建議早啲轉科。」 「用故仔概念色水做賣點嘅人都係掩飾緊自己廢。」 當然我內心係明白人係唔會全能，學音樂嘅都唔會乜樂器都識；藝術亦都有好多面向，唔係永遠依賴技術就可以壓制全世界。 近排開始認真地做緊人生第一個collection for exhibition ; 過程入面其實真係好多反思。我要開始接受並轉向唔依賴唯美嘅作品。內心其實係覺得好奇怪，亦都唔習慣。但會話係一個嘗試，希望自己可以停止牛角占，思考人哋藝術家嘅做法同意義。 今次exhibition係一個對自己心態嘅實驗，調整自己以另一角度看待藝術。未來會發展一下以「藝術取向」為主嘅作品，可能係繪畫，可能係影像，可能係其他。作品亦希望以更認真嘅方法同大家展示同分享。