比起單單描寫極權政府點樣嚴密控制社會嘅《1984》，我更加鍾意《美麗新世界》裡面嘅寓言。 兩者最大嘅分別係，前者嘅人民係受密不透風嘅國家力量所掌控，別無他法地被當權者剝奪自由；而後者嘅係畀片刻嘅快樂同安逸所麻醉，從而甘願自己放棄自由同思考。個人認為呢一點對於當代嘅我哋嚟講係更加有警惕性，尤其是係活喺無力撼動嘅巨大存在底下，「如何自處」既係更有價值、亦係僅餘可以憑自己力量改變嘅事。 另一點我覺得幾有趣嘅係書入面嘅角色，儘管大多數人都會希望自己會係Helmholtz一樣言行一致光明磊落嘅君子，但現實嘅我哋其實好多都只係好似Bernard咁軟弱，身處被壓迫方時會對社會嘅畸形同不義感到嘔心，但當處境一轉變成另一端嘅得益者就可以180度轉換立場。即使我哋冇辦法要求自己成為聖人，但至少要時刻反思/警醒自己有冇變質、有冇become the very thing you swore to destroy.