女性朋友每次同我提起生仔嘅問題，我都一律建議唔好。畢竟媽媽嘅犧牲真係太大，養育小朋友完全係一個冇效率嘅過程，簡單啲嚟講係用一條生命去換取另一條生命嘅成長。 爾航大約三個月左右，我哋就冇再請工人，所有生活無論煮飯定係洗衫仲有湊仔，都變成我哋兩公婆嘅日常。但我畢竟仲有間公司要睇住，重擔都自然落咗去我太太到。呢個過程我真係幾心痛，太太冇晒私人時間，連出街都有困難。作為首席設計師，氹完個仔瞓覺，凌晨先開始做片頭。 我太太係一個唔會道歉嘅人，鬧交都一定係我先講對唔住。但諗落，佢已經將人生最好嘅時光，俾咗我同屋企； 呢句對唔住，都幾抵。