想分享一下，咁多年我傾job開會嘅方法，希望可以幫到啱啱創業嘅大家：  1. 關於形象，呢樣係最重要亦都係最難，畢竟大部份客唔太介意你拍成點，但好睇你個人可唔可靠。專業形象係從你嘅專業詞彙開始，不坊拋下書包。VFX、slowmo、抹到、退地、tracking、條骨、big idea，總之你以為全世界都知嘅字，對於客人來講，就係果個位判斷你掂唔掂。 2.我成日同同事講，我係「會議影印機」。嘗試學習人吔講嘢嘅方式/語氣，啲白領能夠係咁複雜嘅辦公室環境生存到，必然開會時識得如何避重就輕同遠離火種，只要你複製到人吔，你就等如將佢嘅工作經驗吸收。 3. 一定要了解客人公司嘅政治環境。每個坐喺會議室嘅人都係有目的，個阿頭可能要你條片去曬命，啲下屬可能要你條片去搏表現。只要係開會前，有一個咁嘅概念，你自然可以按住佢地嘅想法，去講啱聽嘅說話。仲有記得，千祈唔好評價上一間製作公司得太盡，試着說：「佢做得好好，但我做得更加好😂」 諗到再講。