我小學成績一向都唔錯，有一次英文默書因為大細階錯咗，扣咗1分，只係有99分。放學一家人去食下午茶，我爸爸見我拎唔到滿分，大庭廣眾鬧我粗心大意，仲刮咗我一巴。 從此無論我玩勁舞團、定係太鼓之達人，只要有一個miss斷咗Combo ，就會周身唔聚財，有時甚至會寧願重新嚟過。 到咗依家都有少少強迫症，每次有嘢出錯，第一時間都係怪責。所以我同自己講，無論爾航唱歌走晒音，定係畫畫成pat屎咁，都一定要搵嘢讚佢，起碼佢會享受咗個過程先。擁抱錯誤，擁抱唔完美先至係對佢最好。 我時時刻刻都提醒自己，一定唔可以似佢阿爺。 上一代嘅錯誤，就由今代結束。 （我冇怪我爸爸，畢竟當年教育程度唔高嘅佢，由幼稚園就請私人補習，補到我小學畢業，對我有期望都係好正常。）