1. 2024/03/25 2. 由於本人開唔到微信公眾號，所以第一次創業失敗，轉移陣地就嚟threads po 文。因為應該無人會攞Threads 嚟學習，所以決定攞Threads 嚟 po 日記+一日諗到 ideas，盡量po 多啲，希望自己可以諗多啲idea 出嚟。btw應該會用Markdown 寫。 3. 今日練琴彈小星星，右手成功彈到三十秒，而左手彈十六個音符已經筋疲力盡。聽自己彈就聽到前面仲係仔細地一粒音一粒音咁彈，但去到後面就嚟彈完就明顯聽到好似太興奮加咗速，彈得越嚟越急；前面都還聽得落去，知道咩料，但後面就急於求進。 4. 於是令我諗起IELTS writing，去到6分都只係要求寫得準確，但要去到7-9就要求準確之餘要有美感；寫出一篇六分嘅文章無問題，但實力得六分嘅情況下強行塞啲難字只會令人感覺不倫不類。感覺鋼琴都係一樣，作為新手就淨係諗住要彈啱哥幾粒音，手指要識得郁，但慢慢熟練以後就可以控制自己嘅強弱、快慢。 5. 我都唔知點解我諗到IELTS，唔好問。