「買衫JJ: 古著 Vintage Starter Pack」 一講起古著，就會有好多戰爭。 「吓，二手衫唔等於古著囉。」 近排台灣跪有一個trend就係爭執古著定義，香港時不時都會有啲討論同批鬥。今日阿叔收到件衫，開開心心就同唔太認識古著嘅朋友分享一下，希望大家都可以享受一下買古著嘅樂趣！ 「古著定義」 古著呢個字喺日文直譯的而且確係講二手衫，呢個時候一定會有啲弟兄會話嗰啲二手垃圾邊度係古著。呢個時候我哋就可以用英文去理解，Vintage呢個字係通常形容有歷史價值嘅衣物，Thrift就係形容二手衫。而廣東話就好似冇一個好專屬嘅字分別地表達呢兩樣嘢，所以成日都會有誤會。 「大約年份」 一啲Vintage師兄汎指嘅「有價值古著」通常係講緊1900年1990年嘅衣物，而大約1980-1990呢段時間比較尷尬，因為好多衣物嘅生產模式啲古著師兄應該開始睇唔上。上面講嘅時間係大約，實際有冇價值都要睇下件實物。咁1900之前係咪古著？係，不過我哋呢啲學生哥應該唔會有錢買。 續….