#讀以賽亞 三十1-5 take side嘅智慧？ 「哼！唔聽講嘅我民， 你哋唔聽我嘅計劃去計劃 唔投靠我靈去投靠他人 你哋係罪上加罪，一層疊一層， 投入埃及嘅懷抱問都無問過我， 你哋期望埃及嘅力量可以成為你哋嘅力量 佢哋嘅蔭庇可以成為你嘅保護， 你一定會因為信佢哋衰硬， 對佢哋嘅投靠只會叫你尷尬， 佢哋嘅軍隊將領已經 好似有策略地遍佈南北提供全面保護 但佢哋最終係無料到， 信佢係自己戇居，唔洗旨意有著數 最終一定係鬧劇收場，係你自己攞架嚟丟。」 上帝鬧以色列人投靠埃及，係攞架嚟丟。最終一定無好下場。大至大國搏奕，小至公司部門角力，教會人事糾紛，從來都係政治。當對峙出現，拉攏，結盟就會發生，對於啲無咩力量嘅小薯，著實係呢啲衝突現場就梗係計數，邊面贏面多就take side係賭一舖，對一般人嚟講，點至算贏面多，好多時都係打自己算盤：錢、權、利益評估。但人心裡面有幾冷靜，眼光有幾清晰，如果出於個人drive（慾望）可以話，好多時都會高估自己，結果條路自己揀….(續）