Moments in france 1. 法國同學係臨落堂之前借咗老師幾分鐘介紹最新一期嘅學生報，最尾叫大家投稿，下一期講言論自由 2. 學術研討會，校長親自主持，介紹完嘉賓之後咁啱坐咗係我前面，諗起香港一個連學生聯署默站都唔出嚟回應嘅校長 3. 退休外交官嚟做分享，形容做外交官係一份夢想工作，身邊法國同學都瘋狂抄筆記同問問題，我係到諗點先可以投胎做法國人 題外話：外交官係香港駐守過，嚟緊做fyp想寫香港同法國之間嘅外交關係，於是膽粗粗衝過去用盡畢生嘅法文問咗佢幾條問題。一同佢講我係香港嚟佢即刻講咗幾句廣東話，好Q。 琴日一個我好鐘意嘅內地youtuber出咗條片講香港係繼佢出生地之外影響得佢最多嘅城市，講起佢細個屋企人唔比佢睇tvb，佢就用望遠鏡睇對面屋部電視，今日聽一個外交官分享佢係香港駐守嘅過去。 諗起香港用唔同嘅方式，係唔同嘅時空，影響過唔同人嘅生命，呢座城仿佛終於完成一份歷史任務，路到盡頭，種種過去都蒙上咗一層無以名狀嘅浪漫。