呢單嘢好深刻 識笑其實幾好笑 8歲嗰陣俾屋企人安排送中軍訓 要步操 跑山 5點起身摺被嗰啲 完成訓練後有個小型畢業禮 我呀婆嚟咗睇我 嗰陣時係準許家帶嘢入嚟探訪 （情況似睇戲啲探監咁） 好記得我呀婆請我飲大陸黑色罐嗰隻椰子汁 突然間隔離個細路見到就問 「點解你有椰子汁飲我冇 ？」 我答：「係我呀婆請我㗎」 佢再問：「咁點解你呀婆唔請我？」 我再答：「呢個係我呀婆喎！」 我唔記得之後仲有冇loop呢番說話 因為真係可以沒完沒了 但我好記得最後我係同佢一人一半 仲要share 同一條飲管 細個嘅自己幾識諗 識為人際關係而妥協 但以前係椰子汁 以後可能就係其他嘢了 想知大家又有冇遇過俾人叫請椰子汁甚至更誇張嘅事 遇到呢啲事你又會唔會分享你罐椰子汁呢