大昌要執，令我諗返起多年前嘅事。 嗰陣我好似係小學，有一次老豆唔知點解令到我呀媽好傷心。係見到到佢係咁喊，好傷心，但係佢仍然要煮飯俾我同細佬食。 佢係大昌買咗一pack腌好咗嘅咸豬手，整咗個豬手煲俾我同細佬食。佢一路喊一路煮，煮出嚟嘅豬手煲好咸。 我唔知道係呀媽嘅眼淚滴咗落去，定係豬手本身好咸。做大人嘅苦澀，我當時真係唔明，我只係知道我唔識點安慰佢。 之後每次食咸豬手，我都會諗起果煲好咸嘅咸豬手。