[好無聊] 分享一下今日覺得最幸福同開心既瞬間 話說今日約左人係一個距離屋企20分鐘步行路程既地方 因為某啲原因，本身係預左唔會準時到，而當時預計遲10分鐘以上 唔會搭車去，原因： 1/ 行去車站都成8分鐘 2/ 等車再搭埋，都行到去有餘 3/ 我根本唔知有咩巴士去到 於是揀左行路，途中好急趕咁行，因為希望盡量唔好遲太多 路經街邊巴士站附近，遇到一對爺孫趕巴士，係我後面想行快啲上車 平時我趕時間一定唔會讓路，會選擇行快啲等佢有空位攝就算 但今日心諗都預咗唔會準時，又驚佢哋仆親，選擇左停低俾佢行先 好好彩佢哋上到車，好奇心驅使我行快兩步望下佢哋追緊咩巴士🤣 啊！！原來終點站(下站就係)係我要去既目的地！ 所以我又跟埋上車😂😂😂😂😂慳左15分鐘腳程，最後仲準時到！ 有時覺得做下好心無所謂，原來會有好報 呢種感覺好好，有winwin既感覺，好開心 無聊分享，多謝收睇