Tiramisu可以話係成世人食過最多次嘅甜品, 加上每次都係慶祝一啲嘢, 所以呢道甜品成為咗第一個會聯想到嘅甜品 Tiramisu嘅製作方法可以話係五花八門, 由傳統嘅手指餅+Mascapone到海綿蛋糕+重忌廉+忌廉芝士. 製作時間由半個鐘到整幾日都有 自己用開傳統食譜, 材料喺多倫多容易買到, 價錢亦都唔算好過份, 不過Mascapone喺多倫多好似得一兩間公司整, 賣得最平嘅Food Basics成日無貨...另外比較意外嘅係傳統食譜要求用生雞蛋去發個忌廉, 但未有人食壞肚, 其實加拿大嘅雞蛋比想像中安全? 圖中係最近聚會嘅時候整, 除咗原味整咗個抹茶牛奶味, 呢個亦係Tiramisu另一個魅力, 當你理解咗佢味道嘅來源, 換口味就變成十分容易嘅事 但喺多倫多搵抹茶粉唔容易, 去咗轉J-Town都見唔到有, 唯有買最接近嘅抹茶牛粉, 沉手指餅之前試咗啖覺得太甜, 所以無落Rum落咗啲Gin, 好彩無炒車 喺多倫多有興趣整呢道甜品嘅人, 唔想等espresso癱凍或者無飲開咖啡嘅習慣, 不妨去J-Town或者其他超市搵日本罐裝黑咖啡, 整嘅時侯會慳到唔少時間